بطل القصة الحقيقية لـ "حكاية نرجس": مستني نتيجة الـ DNA رقم 55!
كشف "إسلام" بطل القصة الحقيقية لمسلسل "حكاية نرجس" الذي تم عرضه في النصف الثاني من رمضان 2026 للفنانة ريهام عبد الغفور والفنان حمزة العيلي، إنه خضع لـ 55 تحليل DNA وفي انتظار نتيجة الأخير.
قال "إسلام" خلال لقائه مع الإعلامي عمرو الليثي في برنامج "واحد من الناس" المذاع عبر شاشة قناة "الحياة": "مستني نتيجة تحليل الـ DNA رقم 55، وأنا مستبشر الخير المرة دي، هما العيلة الوحيدة اللي حاسس إنهم أهلي".
أشار: 'الأسرة اللي أنا بعمل معاها التحليل دي، لما ببص في وش أبويا بحس بهيبة الأب، بحس إن ده فعلًا ما ينفعش إني أعلي صوتي عليه، وهو بيشتغل جزار".
أضاف: "تاريخ ميلادي نفس تاريخ الميلاد، وسن الخطف اللي عزيزة خطفتني فيه هو نفس سن الخطف بتاع ابنهم، ومتاخد من مستشفى الشاطبي في الحضانة.. الشكل عندي أمي فولة واتقسمت نصين وبعدها أخواتي، وأبويا في مني وأنا في منه كتير".
أكمل: "ممكن لما أقعد وسط أهلي وأعرفهم أترحم على عزيزة وأسامحها، بس دي إنسانة مسامحتش ولا رحمت نفسها.. أنا اتحايلت عليها كتير، 40 يوم في بيتي.. وهي اللي رمت نفسها، يعني هي اللي اختارت".