تتر مسلسل "حكاية نرجس".. كلمات أغنية "تستنوا إيه" لـ رحمة رياض
طرحت شركة "كرافت ميديا" أغنية "تستنوا إيه" لـ رحمة رياض، تتر مسلسل "حكاية نرجس"، عبر قناتها الرسمية على موقع الفيديوهات يوتيوب.
أغنية "تستنوا إيه" كلمات نادر عبد الله، ألحان عزيز الشافعي، توزيع موسيقي أحمد عادل، ميكس وماستر عمار خاطر.
نرشح لك: من "حد أقصى".. كلمات أغنية "حلوين" لـ حودة بندق
وفيما يلي كلمات أغنية "تستنوا إيه":
أنا مش بريئة وعارفة إن أنا مذنبة
بس أنتوا برضو كمان ما كنتوش أسوياء
موتوا فيا زمن الحتة الطيبة
ومن البجاحة كمان بتعملوا أبرياء
أنا مش بريئة وعارفة إن أنا مذنبة
بس أنتوا برضو كمان ما كنتوش أسوياء
موتوا فيا زمن الحتة الطيبة
ومن البجاحة كمان بتعملوا أبرياء
تستنوا إيه من حد عشتوا طول حياتكم بتوجعوه؟
من حد كل ما يلقى نفسه تضيعوه
وبتجبروه ويغلط وبعدين تلعنوه؟
يرجع يتوه.. بتمنعوه من التوبة ليه؟
تستنوا إيه من حد جرحه ولا دمه ما همكوش؟
فوق طاقته شال الهم بس ما كفاكوش
وما سبتوهوش يرتاح وليه ما رحمتهوش؟
ولا سبتوا رحمة ربنا تنزل عليه
مخنوقة ده أنا بشحت كمان نفس الهوا
متكتفة وعايشة بين الموت والحياة
حرماني كان زي العيال اللي مالوش دوا
فأنا خدت وتعودت على كتر العيا
تستنوا إيه من حد عشتوا طول حياتكم بتوجعوه؟
من حد كل ما يلقى نفسه تضيعوه
وبتجبروه ويغلط وبعدين تلعنوه؟
يرجع يتوه.. بتمنعوه من التوبة ليه؟
تستنوا إيه من حد جرحه ولا دمه ما همكوش؟
فوق طاقته شال الهم بس ما كفاكوش
وما سبتوهوش يرتاح وليه ما رحمتهوش؟
ولا سبتوا رحمة ربنا تنزل عليه
مسلسل "حكاية نرجس" من تأليف عمار صبري، وإخراج سامح علاء، بطولة ريهام عبد الغفور وحمزة العيلي، ويتكون العمل من 15 حلقة، وينتمي لنوعية الدراما الاجتماعية.