تتر مسلسل "النص التاني".. أغنية "نص عايش" لـ حمزة نمرة
طرحت شركة روتانا للموسيقى أغنية "نص عايش" لـ حمزة نمرة، وهي أغنية تتر مسلسل "النص التاني" لـ رمضان 2026، من بطولة الفنان أحمد أمين.
أغنية "نص عايش" من كلمات محمود فاروق، وألحان أحمد زعيم، وتوزيع عمرو الخضري.
نرشح لك: كلمات أغنية " في حته لوحدي" لـ محمد منير
وجاءت كلمات الأغنية كالتالي:
الدنيا برّاك زحمة لكن
جوه منك هس هس
نص أبيض نص داكن
وانت تشبه أي نُص
جوه منك نور وضلمة
شبر فاضي وشبر زحمة
قسوة بتعاند في رحمة
بص جواك حتى بص
حب نفسك للنهاية
حبها في كل الحالات
كلنا قصاد المراية
أسئلة ناقصة إجابات
مهزوزين ومافيش ثبات
محبوسين جوه حكايات
أيوه قلبي زي قلبك
نص عايش نص مات
مرة شر ومرة خير
مش عارفلك خط سير
إمتى بقى ترتاح يا طير
يلي خدت العمر لف
الشيطان ضلك غواك
وربنا دلك هداك
جواك نجاه جواك هلاك
بشر يا صاحبي مش ملاك
مسلسل "النص التاني" من بطولة أحمد أمين، أسماء أبو اليزيد، بسمة، صدقي صخر، ميشيل ميلاد، دنيا سامي، وعبد الرحمن محمد، كما يظهر حمزة العيلي كضيف شرف.