في نهاية الحلقة 13 من "حد أقصى".. الأبطال يوجهون رسالة توعوية ضد الابتزاز الإلكتروني
خلال أحداث الحلقة 13 من مسلسل "حد أقصى"، أقدم شريف على ابتزاز صابرين مستخدمًا فيديوهات مفبركة ومخلة لها لإجبارها على التعاون معه في أعماله المشبوهة لصالح الباشا، ما جعلها تلجأ الانتحار هربًا من تهديده
وفي ختام الحلقة قدم أبطال المسلسل رسالة توعوية للفتيات والشباب الذي يتعرضون للابتزاز الإكتروني، وجاءت كما يلي:
روجينا: الابتزاز مش بس قصة في مسلسل
فدوى عابد: ده واقع بيحصل كل يوم لشباب وبنات كتير
بسنت أبو باشا: بيبدأ برسالة صورة أو تهديد
محمد القس: وبعدها خوف وضغط وإحساس إن مفيش مخرج
خالد كمال: لو حد بيبتزك افتكري أن دي مش غلطتك
بسنت أبو باشا: وإنك بتتعرضي لجريمة
أمير عبد الواحد: اللي بيهددك هو المخرج مش أنتي
خالد كمال: متبعتيش فلوس أو صور، واحفظي أي دليل عندك
روجينا: لأنك لو سمعتي كلامه هيضغط عليكي أكتر
محمد القس: لو اتعرضتي لابتزاز تقدري تقدمي بلاغ لمباحث الإنترنت
بسنت أبو باشا: في مديرية الأمن في المحافظة بتاعتك
فدوى عابد: ولو المحتوى انتشر "أون لاين" تقدري تتواصلي مع "Speak Up Helpline"
روجينا: عشان يساعدوكي في مسح الصور أو الفيديوهات اللي نزلت لك
محمد القس: وهيوجهوكي لدعم قانوني ونفسي
أمير عبد الواحد: ولو حاسة الضغط كبير عليكي أو بتفكري تأذي نفسك
فدوى عابد: كلمي حد تثقي فيه
روجينا: لأن حياتك أهم
محمد القس: بنفكرك مفيش أي حاجة تبرر الابتزاز
روجينا: والمسئول الوحيد هو المجرم اللي بيهدد وبيبتز
مسلسل "حد أقصى" هو البطولة السادسة للفنانة روجينا في دراما رمضان، ويشاركها البطولة كل من محمد القس، وخالد كمال، وفدوى عابد، وأمير عبد الواحد، ومصطفى عماد، وهو من تأليف هشام هلال، وإخراج مايا أشرف زكي.