بعد انتقاد مشيته.. محمد يوسف "أوزو" يكشف إصابته بمرض مناعي نادر

رد الفنان محمد يوسف الشهير بـ"أوزو" على انتقاد البعض لطريقته في المشي، مشيرًا إلى أنه مصاب بمرض مناعي نادر يدعى "التهاب الفقرات التصلبي"، مؤكدًا أنه ليس له علاج حاليًا ويخضع لجلسات علاج طبيعي للحد من تدهور الوضع.

كتب" أوزو " عبر حسابه الرسمي على موقع "فيس بوك": "أنا بشوف تعليقات كتير على موضوع ضهري، والله بصوا يا جماعة أنا فعليا من النوعية اللي مبحبش الصعبانيات ولا عمري حبيت أكسب تعاطف الناس والجو الرخيص دا، وكتير من الناس غير القريبين مني ميعرفش موضوع المرض اللى عندى.. أنا عندي مرض مناعي نادر اسمه ankylosing) spondylitis - التهاب الفقرات التصلبي)".

أضاف: "المرض ده مالوش علاج ،وكل اللى أقدر أعمله أخد العلاج البيولوجي بتاعي، عشان يبقى الحال على ما هو عليه

وحتى حاولت اروح لدكتور متخصص عشان اعمل عملية تجميل.. ومن كتر ماهو دكتور مشغول راح معايا دكتور أشرف زكي ودخلت له بعد 8 ساعات انتظار في العيادة، والباشا كشف وقالي تعالى بعد سنة.. والعملية دي هتحتاج من 4 لـ6 شهور بعدها عشان ارجع طبيعي".

تابع: "أنا عاوز أعمل العملية، بس أكيد مع دكتور مهتم بحالتي، مش بيشوف جدوله فاضي امتي.. أنا من كتر الألم المخ بطل يبعت إشارات بالألم.. ولما ربنا بيكرم بروح أعمل علاج طبيعي مانيوال وعلاج مائي".

اختتم: "بالمناسبة العلاج الطبيعي المانيوال دا عذاب.. فطبعا، أنا اسف لو حضرتك مش عاجبك مشيتي أو شكل ضهري، بس والله دا مش هعرف اعمل حاجة فيه لحد ما ربنا يأذن.. آسف للاطالة بس وجب التوضيح ".