سحر رامي: مسلسل "اتنين غيرنا" يمثل قصة حياتي!
تحدثت الفنانة سحر رامي عن دورها فى مسلسليّ "اتنين غيرنا" و"توابع"، اللذان يعرضان حاليًا ضمن موسم دراما رمضان 2026، مشيرة إلى أنها في غاية السعادة بردود الفعل الإيجابية من الجمهور نحو أدائها التمثيلي في العملين.
قالت "رامي" خلال مداخلة في برنامج هليلة فى ٣٠ ليلة تقديم كريم رمزي على ميجا إف إم: "مسلسل (اتنين غيرنا) لما اتحكى لي من المؤلفة، حسيت إنه مكتوب ليا، حتى قولت لها إنتى كاتبة قصة حياتي!".
أضافت أنها تابعت ردود الأفعال الإيجابية على دورها على السوشيال ميديا، ومن الجمهور في الشارع، موضحة: "الحمد لله الناس مبسوطة جدا بالعمل".
وأشادت بالفنان آسر ياسين، قائلة: "بحب آسر ياسين جدا، وكنت حاسة إنه ابنى بجد فى المسلسل، وكنت بقوله (انت ابني البكري)".
تابعت: "بعد كام يوم تصوير ليا فى مسلسل (اتنين غيرنا) حسيت إنى فى جو مختلف، والمسلسل ده بالذات كنت حاسة إنى فى بيتى فعلا .. الدراما اتغيرت كتير عن زمان فى كل حاجة، سواء ديكور، إضاءة، إخراج، تصوير وهكذا ".
وعن دورها في مسلسل "توابع"، قالت سحر رامي: "أنا دوري ضيفة شرف، وفكرة التغيير بين الشخصيات فىي (توابّع) و(اتنين غيرنا) حاجة ممتعة بالنسبة ليّ".