جمال العدل: بطلت أحب محمود الخطيب!
تحدث المنتج جمال العدل عن انتقال اللاعب أحمد سيد زيزو إلى صفوف النادي الأهلي، مشيرًا إلى أن ذلك أحدث انشقاقًا بين جمهور الأهلي والزمالك، وألقى المسؤولية على عاتق الكابتن محمود الخطيب بصفته رئيس النادي الأهلي.
تحدث "العدل" خلال لقائه مع المذيعة أميرة بدر في برنامج "أسرار" عن خلافه مع "الخطيب" وقال: "أنا كنت بحبه جدًا لغاية موضوع زيزو فأضايقت منه لأنه استعدى جمهور الزمالك كله بلا سبب".
أردف: "أخد زيزو في وقت مش قانوني ومش مسموح به، وفي نفس الوقت أنا بشوف إن الرياضة فيها نبل وأخلاق وهو راجل طول عمره مهذب ومحترم ولطيف ولاعب كرة جميل والناس كلها بتحبه،
فشايف إن زيزو ده عمل انشقاق بين الجمهورين بلا أي داعي".
أشار: "وباعتباره هو رئيس النادي فأنا بحمله مسؤولية اللي جرى ده لأن احنا كنا بنحبه ومعدناش بنحبه، يعني أنا بيتهيألي إنه أكتر واحد خسر
بطلت أحبه وبقيت أقابله في عزا ومسلمش عليه، هو أذانا جدًا بدون سبب".
أضاف: "أنت ليه بتستعدي جمهور الزمالك؟.. في الأواخر ابتدت تبقى السوشيال ميديا مؤثرة اوي وال يعني خطفوا مننا لاعيب، فأنا كنت بحبه جدًا وجمهور الزمالك كان بيحبه جدًا لأنه كرته شبه كرة الزمالك، لكن باللي عمل ده أعتقد إنه خسر كل جمهور الزمالك أو على الأقل أغلبهم".