رمضان 2026.. 6 تصريحات لـ إسلام إبراهيم عن مشاركته في مسلسل "فن الحرب"
أدلى الفنان إسلام إبراهيم، بالعديد من التصريحات الخاصة بمشاركته في مسلسل "فن الحرب" الذي يعرض خلال موسم رمضان الحالي، وذلك خلال مداخلة هاتفية ببرنامج "رمضان ويانا" الذي تقدمه هدير أبو زيد على نغم إف إم.
وجاءت تصريحاته كالآتي:
1- مش عارف ليه شايفيني دايما في أدوار النصب، مع إني طيب في حياتي وماشي بما يرضي الله.
2ـ سيد الجوكر في مسلسل "فن الحرب"، هو شخص للأسف الظروف خليته يسرق أو يبقى نشال، بس هو أول لما الظروف بتسمح أنه يبقى كويس ويمشي بالحلال بيحاول يستغل الفرصة.
3ـ عملت جمل مأثورة للشخصية زي "الممنوع مرغوب، زي الكباب في القلوب" ودي بتنطبق على سيد في إنه عايز يتجوز ومش عارف، ودايما الجواز شاغل باله.
4ـ سعيد بالعمل مع النجم يوسف الشريف، وسعيد بأننا بقينا أصدقاء، وفي تجارب بيكون المكسب الإنساني منها أكتر من المكسب الفني بكتير.
5ـ الفنان كمال أبورية أستاذ عبقري، وبيضيف لأي عمل وبيدي له ثقل، وكنت أتمنى يكون ليا مشاهد كتير معاه.
6ـ الناس بتحب الممثل القريب منها مش المتعالي عليها، ومشاركة الكواليس مع الجمهور على السوشيال ميديا بتخلي الواحد أقرب للناس.
6- أحلى ردود أفعال بستمتع بيها، هي ردود الفعل اللي بشوفها في الشارع، لأنها حقيقية وواضحة، ومش بثق في آراء السوشيال ميديا أوي.