عمرو وهبة لمن ينامون طوال نهار رمضان: بتعملوها إزاي؟
وجه الفنان عمرو وهبة سؤالًا لجمهوره حول الأشخاص الذين ينامون طوال اليوم ولا يستيقظون إلا على أذان المغرب في رمضان.
قال "وهبة" في مقطع فيديو نشره عبر حسابه الرسمي على موقع التواصل الاجتماعي وتبادل الصور والفيديوهات "إنستجرام": "عندي استفسار من وأنا صغير ومش بلاقيله تفسير.. هتلاقي في أي شلة حد أو أكتر من الناس اللي بيناموا بعد الفجر ويصحوا تاني يوم على المدفع ويقوموا ياكلوا على طول.. يا بختكوا، بتعملوا كده إزاي؟".
تابع: "هو مفيش شغل؟ مفيش مذاكرة؟ مفيش مشاكل؟ مفيش ضمير؟ مفيش دم؟ مفيش أوفر ثينكج؟ طب ثينكج بس؟ مفيش أقساط؟ معندكوش عيال؟ أو جيران؟ مفيش دليفري بييجي يخبط بالغلط؟
مفيش عيال بتخبط وتجري؟".
أضاف: "مفيش قلق؟ مبنقلقش؟ مفيش كوابيس؟ طب مفيش نصحى عشان نحقق أحلامنا؟
أو نصحى ندعي ونصلي لأن في ضهر وعصر قبل المغرب
مش عارف أقولك حتى أنت منابكش غير الجوع والعطش.. ما أنت مجوعتش ولا صدعت".