كلمات أغنية "يا مصر يا بلادي".. تتر مسلسل "رأس الأفعى"
يجدد الفنان علي الحجار التعاون مع الملحن الكبير ياسر عبد الرحمن، في تتر مسلسل "رأس الأفعى" حيث يقدمان أغنية "مصر يا بلادي" من كلمات طارق ثابت.
وكلمات الأغنية الوطنية هي:
يا مصر يا بلادي .. يا طالة من فؤادي بالعشق والحنين
يا مصر يا بلادي.. يا ضامة نيل بوادي والناس الطيبيين
منك أصل الحكاية والمعنى والبداية
منك أصل الحكاية والبداية وكوني مين
من آدم للسعادي يحكي التاريخ ينادي ويقول عليكي
آية في القلب وع الجبين
ويفوت ما يفوت علينا من شدة وتلاقينا بنعدي في الرحايا ونوفي الحب دين
يا مصر يا بلادي .. يا طالة من فؤادي بالعشق والحنين
يا مصر يا بلادي.. يا ضامة نيل بوادي والناس الطيبيين
يا مصر حالي حالك ووصالي من وصالك
وإن جالك ليل وحالك ولا مرة نقول يا مين
حيجيب نهار صباحك ويرد عن جراحك
إلا اللي عاش في خيرك من نبت الطيبين
وتنادي وتلاقينا طوع إيدك ع السفينة بالولد والصبايا في الفرح والأنين
يا مصر يا بلادي .. يا طالة من فؤادي بالعشق والحنين
يا مصر يا بلادي.. يا ضامة نيل بوادي والناس الطيبيين
مصر ياللي في الحكاية قبلنا
عشنا فيكي وعشنا ليكي عمرنا
شيء بيجري في العروق وبعد منه دمنا
السما تشهد عليا إن حبك من عبادة
وإن ربي مستجيب وإني جاهز للشهادة
وإن قلبي ابن قلبك نبضه منك بالولادة
وإن قلبي ابن قلبك نبضه منك بالولادة
يا مصر يا بلادي .. يا طالة من فؤادي بالعشق والحنين
يا مصر يا بلادي.. يا ضامة نيل بوادي والناس الطيبيين
رأس الأفعى مكون من 30 حلقة، وهو من بطولة أمير كرارة، شريف منير، أحمد غزي، كارولين عزمي، ماجدة زكي، مراد مكرم، إسلام جمال، وعدد كبير من الفنانين، وتأليف هاني سرحان، وإخراج محمد بكير، وإنتاج شركة سينرجي.