كلمات أغنية تتر مسلسل "اتنين غيرنا" لـ أنغام
طرحت الفنانة أنغام تتر مسلسل "اتنين غيرنا" للنجمين آسر ياسين ودينا الشربيني، الذي تبدأ عرض حلقاته اليوم.
أغنية "مش حبيبي بس" غناء أنغام، كلمات وألحان عزيز الشافعي، وتوزيع موسيقي ميكس وماستر لطارق مدكور.
جاءت كلمات الأغنية كالتالي:
مش حبيبي بس
أنت صاحبي وقلبي ونصي اللي كنت بدور عليه
مش حبيبي بس
أنت قمري وقدري
نصيبي وطبيبي اللي تسلم ايديه
في حبك أنت شوفت كل المعجزات وعرفت جيت الدنيا ليه
وبقالي حد أعيش عشانه
وضهر اتسند عليه
طب ماتقبلناش بدري ليه
يا عيني على العمر اللي فات
وعيني عيني عيني عيني
على اللي بينك أنت وبيني
عيني
على اللي حبه جاني حياني تاني
أنت أجمل من رأت عيني يا عيني
الماضي إيه
الماضي مين
نسيت في حضنك اللي شوفته من السنين
ده أنا بدعي من قلبي
تفضل هنا جنبي
يا حبيبي طول عمري
ما تقول آمين
اوعى تكون زيهم
اوعى تخون
ولا اللي بينا عليك يهون
مبقاش فيه دمع ليه فاضل في العيون
أكون معاك أو لا أكون
اتنين غيرنا من بطولة آسر ياسين ودينا الشربيني وفدوى عابد ونور إيهاب وهنادي مهنا وناردين فرج وأحمد حسن، وهو من تأليف رنا أبو الريش وإخراج خالد الحلفاوي، وإنتاج شركة ميديا هب - سعدي جوهر.
وتدور أحداث مسلسل اتنين غيرنا في إطار اجتماعي رومانسي حول أستاذ جامعي يعيش من أجل أسرته وعمله فقط، يلتقي صدفة بممثلة مشهورة تعاني صراعات اجتماعية، الأمر الذي يقلب حياتهما بالكامل رأسًا على عقب.