أحمد عز: عايز أعمالي تتشاف بعد 30 سنة
آية سليم
تحدث الفنان أحمد عز عن نظرته لمشواره الفني وطموحاته المستقبلية، مؤكدًا أنه لا يزال يحتفظ بنفس الشغف الذي بدأ به دخوله الوسط الفني، وأن هدفه الأساسي هو تقديم أعمال تعيش طويلًا لدى الجمهور ولا ترتبط بزمن عرضها فقط.
أشار "عز" خلال لقائه بـ "نجوم إف إم" إلى فلسفته في اختيار أدواره ورغبته في الاستمرارية قائلًا: "لحد النهاردة نفس الإحساس اللي دخلت بيه الوسط الفني.. أنا اللي يهمني إني أعمل أعمال تفضل تتشاف بعد ما يعدي عليها 30 سنة، ده كل طموحي، وأنا عندي نهم للنجاح وعايز أروح أبعد من كده".
أضاف أنه يرى وجود أزمة واضحة في سوق الإنتاج السينمائي خلال السنوات الأخيرة نتيجة الظروف الاقتصادية، موضحًا: "للأسف إحنا عندنا مشكلة كبيرة جدًا في الورق والأفكار، و90٪ من الأفلام آخر كام سنة نفس التوجه نتيجة للظروف الاقتصادية والإنتاج".
تابع "عز" حديثه عن رغبته في تقديم أنماط مختلفة من الأعمال وعدم الاكتفاء بقالب واحد، قائلًا: "نفسي في التنوع حتى لو كوميدي". مختتمًا حديثه بالتأكيد على أهمية الفن المصري وتأثيره الثقافي مضيفًا: "لأن جزء كبير من الريادة والنجاح المصري هو الفن، ولازم نفضل محافظين عليه لأنه لو راح مش سهل يرجع تاني."