كلمات أغنية "اضرب يا كينج" لـ أحمد شيبة وعصام صاصا
طرحت قناة mbc مصر أغنية "اضرب يا كينج" لـ أحمد شيبة وعصام صاصا من مسلسل "الكينج" للفنان محمد إمام المقرر عرضه في رمضان 2026.
وجاءت كلمات الأغنية كالتالي:
ماتحاولش يا عم تفهم
أنت عايز منها إيه
اللي قبلك حب يفهم
جاب وجع قلبه بأيديه
يلا عيش ويا اللي عايش
نص ميت نص عايش
حابة عاقل حابة طايش
واتوجع ماتقولش ليه
هتقابل ناس كتير
من كل شكل وكل ملة
ويقابلك ناس أصيلة وناس خبيثة ودون وقلة
وناس تشيلك وقت شدة وناس وجودها علة
وناس قلوبها قايدة نار وناس قلوبها ضلة
ناس سفنج وكلامها فشنك صحصح يا كينج واصحى للي جاي
قابل وصد في الجاي رد
ردك يخض كله طلق حي
نام وفتح نص عينك لو نعست برضو متآمنش
اوعى تنسى وتدي عينك يوم لحد ما يتضمنش
لو دايرة معاك أي حكاية
قوم بيها لوحدك ده كفاية
من غير ولا حاشية ولا حماية واضرب يا كينج
عدي وقتك والمعاملة تبقى دايما على الحياد
واللي يضحك كان له يضحك على اللي مات اعمل حداد
دنيا عايزة اللي يقابلها يبقى دايس على الزناد
خلي قلبك في عز ضعفه يبقى أجمد من الجماد
هتقابل ناس كأنك من زمان أهل وصحاب
وناس لحمك ودمك كانوا ليك أكبر عقاب
وناس معاك على خط سيرك زي ما قال الكتاب
وناس بتتمرمغ في خيرك وبيردموه تراب
مسلسل "الكينج" بطولة محمد إمام وحنان مطاوع ومصطفى خاطر وحجاج عبد العظيم وميرنا جميل، وعدد كبير من الفنانين، وهو من تأليف محمد صلاح العزب، ومن إخراج شيرين عادل.