بعد إثارتها للجدل.. تصريحات جويرية حمدي حول استخدام العطور
أثارت نجمة ذا فويس كيدز وصانعة المحتوى جويرية حمدي الجدل بعد تصريحاتها الأخيرة حول النظافة الشخصية واستخدام العطور.
نشرت "حمدي" عبر صفحتها الرسمية على موقع التواصل الاجتماعي "فيس بوك"، مقطع فيديو تتحدث فيه عن النظافة الشخصية وضرورة استخدام مزيل العرق يوميًا، مشيرة إلى أن فئة كبيرة من المجتمع تظن أن استخدام العطور محرم.
قالت: "احنا بنغير هدومنا الداخلية كل يوم، مش يوم اه ويومين لا.. السلسلة دي مفيهاش إحراج، احنا أجسامنا بتطلع إفرازات كل يوم، وده ملوش علاقة بالحالة المادية وأنا معيش فلوس أنا مش عارفة إيه".
تابعت: "النضافة والحاجات اللي هقولها في الفيديو ده ملهاش علاقة أبدًا بغنى وفقر، حاجة كده كل الطبقات لازم تعملها، عذر الحالة المادية أنا مش هسمح بيه".
أضافت: "احنا بنحط مزيل العرق كل يوم.. يا جماعة شتاء أو صيف ده حاجة أساسية، هو اسمه واقي عرق، وعلى فكرة أنا عايزة أقاضي اللي سماه مزيل عرق، لأن الناس فاكرة أني بيطلع لي ريحة عرق وأستنى الريحة تقرف الناس حواليا فأحطه".
أشارت: "اكتشفت إن في فئة من المجتمع فاهمة إن البيرفيوم حرام، زي الناس اللي بتقول السكينة حرام.. مسمهاش السكينة حرام، اسمها استخدامها في الغلط حرام، ونفس الكلام في البيرفيوم".
أكملت: "أنا مقدرة جدًا اللي مش بيحطوا بيرفيوم أصلًا، وفي فكرة حلوة للي مش بيحطوه برا البيت، افتحي دولاب هدومك ورشي كتير".
تابعت: "وممكن تحطي قبل نزولك بفترة طويلة جدًا بحيث ريحتك متبقاش بتصرخ وتقول أنا حاطة بيرفيوم، ريحتك جميلة للي يقرب منك.. فأرجوكم يا جماعة بلاش شغل البيرفيوم حرام، بيرفيوم إيه اللي حرام، وهي ريحتك دي مش حرام!".