أيمن عزب يروي قصة حبه مع زوجته
روى الفنان أيمن عزب قصة حبه مع زوجته الإعلامية نيفين خالد، مشيرًا إلى أنهما كانا أصدقاء لمدة 9 سنوات قبل أن تتحول هذه الصداقة إلى حب.
قال "عزب" خلال لقائه في برنامج "ست ستات" المذاع عبر شاشة "dmc" "نعرف بعض من نوفمبر 1993 وأنا فاكر أول لقاء لأني كنت بتخرج من المعهد وبحضر نفسي وداخل الجيش وكانت أول مرة نتقابل، ولغاية 2002 كنا صحاب".
تابع: "اختفينا سنتين وبعدين رجعنا شوفنا بعض صدفة..
وكنت زهقت اوي من حياة العزوبية، لأني لحد سن 36 أو 37 سنة وأنا عايش لوحدي، من وأنا 20 سنة، تقريبًا، فـ 16 أو 17 سنة عندي بيت وشغلي وزهقت من الحياة دي.. ولما قابلت (نيفين) ظبطت لي حياتي واحنا أصدقاء".
أضاف: "أستاذ عادل كان عازمني عنده في مسرحية واستأذنته (نيفين) تيجي معايا وهو عارفها وبيحبها جدًا هو وأسرته، فقالي أنتوا مبتحبوش بعض؟ قولتله لا، قالي أنت عبيط! حبوا بعض أنتوا لايقين على بعض وراح مطبطب علينا".
أكمل: "ومدام إنعام محمد علي كانت تعرف (نيفين) فلقيتها بتكلمني وبتقولي (نيفين) مبتفكرش تتجوزها؟ قولتلها مبفكرش أتجوز، قالتلي فكر أنتوا لايقين على بعض اوي..
وكنا في فرح وأستاذ وفيق وجدي الله يرحمه قالي اوعى تبقى عبيط وتضيعها من إيدك".