من "حد أقصى".. كلمات أغنية "زمن الكاش" لـ أحمد شيبة وعمر الكروان
طرحت منصة "WATCH IT" الأغنية الدعائية لمسلسل "حد أقصى" بطولة الفنانة روجينا، المقرر عرضه في رمضان 2026، تحت اسم "زمن الكاش"، وذلك عبر قناتها الرسمية على موقع الفيديوهات الشهير "يوتيوب".
أغنية "زمن الكاش" من غناء أحمد شيبة وعمر الكروان، كلمات حسين خالد، ألحان عمر حفظي وأوشا، توزيع موسيقي زيزو فاروق، ميكس وماستر زيزو فاروق، رؤية فنية المنتج سلطان الشن.
وجاءت كلمات أغنية "زمن الكاش" على النحو الآتي:
الموضوع و ما فيه
في جنيه تساوي جنيه
ما احنا بقينا ف زمن القرش و كله بيجري عليه
طنشوا راحة البال
علشان راحة المال
ما الغدر عامل شغل تقيل و الإخلاص مش شغال
النفس الأماره
خدعتهم يا خسارة
لما اتغمت عينهم
قالوا على الحب تجارة
يا خسارتك يا طيابه
النفخه الكدابه
دي الموضة الغلابة
و هتروحوا فين يا غلابه
احنا ف زمن الكاش
ساوا اللي مايسواش
باللي معزز نفسه
و بقي يتباع ببلاش
لو شايل و معاك
كله هيبقي معاك
حتي ان دوست عليهم
هيقولوا دوسنا فداك
راح زمن الجدعان
زمن اخلص تتخان
كله هيخلص بس ف حالة لو جيبك مليان
صنف البني آدمين
كله بقي الوشين
كله بيعمل طيب و الطيب يلاقيها منين
ياغشامتك ياللي انت لسة جدع زي ماانت
اصل طيابتك ديه دلوقت اكبر غلطة
اصل سلامة النية دي بقت حالة نفسية
لو عرفوا انك طيب
يكتبولك أدوية
مسلسل "حد أقصى" بطولة روجينا ومحمد القس وخالد كمال ومريم أشرف زكي وفدوى عابد، بالإضافة إلى عدد آخر من النجوم، ومن إخراج مايا أشرف زكي.