شقيق شيرين عبد الوهاب: حالتها تصعب على الكافر
علق محمد شقيق الفنانة شيرين عبد الوهاب على أزمتها الأخيرة، موجها رسالة إلى نقيب المهن التمثيلية ونقيب المهن الموسيقية، والإعلاميين.
كتب شقيق شيرين عبد الوهاب، عبر حسابه الشخصي على موقع التواصل الاجتماعي فيس بوك: "الأستاذ نقيب الموسيقيين والأستاذ نقيب الممثلين.. هو ليه حضراتكم مبتظهروش في الصورة غير لما يكون في حاجة؟
نرشح لك: شقيق شيرين عبد الوهاب يكشف تفاصيل أزمتها
يعني ليه مش بتسألوا عليها في الأيام العادية طالما أمرها يهمكم أوي كده؟".
تابع: "خلاص بقى كفاية متاجرة ارحموها بقى، والسادة الصحفيين والمعدين والإعلاميين، محدش يكلمني، أنا مش هعمل أي حوار وأي مداخلة ولا أي شيء أنتوا برضو ناس كلكم عايزين ريتش وترند فقط، ليه محدش فيكم بيكتب لها والدنيا هادية كلام حلو بدون ما يكون في أزمة أو مشكلة؟ كفاية بقى الله يخليكم والله حالتها تصعب على الكافر ومحتاجة هدوء عشان تعرف تتعافى، أخباركم وكلامكم والله بيأثر عليها".
اختتم: "مفيش أي حد ليه الحق يطلع يتكلم أو يكتب عن شيرين حاجة أيا كان صفته نقيب إعلامي صحفي شاعر ملحن موزع
الكلام للكل. اللهم بلغت اللهم فاشهد".