أحمد السقا: شريهان كانت معايا في المدرسة!
روى الفنان أحمد السقا موقفًا طريفًا جمعه بالفنانة شريهان خلال فترة الدراسة، مشيرًا إلى إنها كانت زميتله في المدرسة أثناء فترة عرض مسرحية "سك على بناتك" مع الفنان فؤاد المهندس.
قال "السقا" خلال لقائه مع المخرج معتز التوني في بودكاست "فضفضت اوي": "شريهان كانت معايا في المدرسة بس مش عايز أقول كنت في سنة كام وهي في سنة كام لأنه أيامها كانت بتعمل مسرحية (سك على بناتك) في مسرح الزمالك واحنا كنا صغيرين".
تابع: "اليوم اللي كانت بتيجي فيه المدرسة كانت بتقف شرطة مدرسية فأروح فاكك الكرافتة عشان عايزها تطلعني من الطابور.. دي شريهان بقى وكان بقالها 3 مواسم بتعرض مسرحية (سك على بناتك)".
أضاف: "يا سلام لما تيجي تروح شداني من دراعي وموقفاني على الحيطة، يا خبر أبيض.. أسعد واحد في الدنيا، يخلص الطابور أبقى أتعس واحد في الدنيا.. ماهو في عقاب بقى".