شقيق شيرين عبد الوهاب يكشف تفاصيل أزمتها
كشف محمد شقيق الفنانة شيرين عبد الوهاب تفاصيل عن الأزمة الأخيرة التي تمر بها، موضحا حقيقة نقلها بسيارة إسعاف إلى منزل صديقتها.
كتب شقيق شيرين عبد الوهاب عبر حسابه الشخصي على موقع التواصل الاجتماعي فيس بوك: "مفيش مجموعة فنانين اتحدوا وكل ده غلط، محدش ساعد غير اتنين أحمد سعد وزينة بس ومحمود الليثي كان كل يوم عندها.
إحنا بعيد عشان حياتها عبارة عن حرب، ولما اتدخلنا في 2022 قالوا ناهبينها ومستفيدين وناس وحشة ونجحوا إنهم يبوظوا علاجها.
بعد 4 سنين ناس تانية غيرنا أهم فنانين ومعروفين ومالهمش مصلحة، جابوا كل تاريخهم القديم وقالوا ازاي دول اللي يعالجوها، مين اللي ليه مصلحة يطلع يشوه الناس دي زي ما شوهنا من قبلهم؟
واللي طالع يقول مش صح إنها تروح بيت صاحبتها، كله بيتاجر، عرفت منين إنها راحت عندها ومتأكد أوي؟
موضوع عربية الإسعاف.. زينة عدت عليها يوم قالت لها أنا حاسة إني تعبانة، راحت معاها المستشفى واتطمنت عليها.
وهما هناك الدكاترة طلبوا منظار، خدت بنج ماكانتش قادرة تركب العربية، خدوها بسيارة إسعاف لحد بيتها".
