مراد مكرم يعلن انتهاء تعاقده مع cbc

أعلن الفنان مراد مكرم، انتهاء تعاقده مع قناة cbc، وذلك بعد سنوات نجاح قدم خلالها برنامجه الشهير "الأكيلة".

كتب "مكرم" عبر حسابه الرسمي على موقع "إنستجرام": "بعد سنوات من العمل، أعلن اليوم عن انتهاء تعاقدي مع شبكة قنوات cbc".

تابع: "الخبر ده مش سهل يتكتب في سطرين، لأن cbc مكانتش مجرد شاشة بطلع منها دي كانت بيتي التاني، من أول يوم دخلت فيه المكان ده، وأنا حاسس إني وسط عيلة حقيقية بتشتغل بحب، باحترام، وبإيمان إن اللي بنقدمه للناس لازم يكون نابع من ضمير حقيقي ومسؤولية".

أضاف: "بحب أشكر كل حد اشتغلت معاه قدام الكاميرا ووراها، من إدارة، إعداد إخراج، فريق إنتاج، زملاء ومذيعين.. كل شخص ساهم في تجربة عمر وكل شخص علمني حاجة حتى من غير ما يقصد.. كان فيه دعم، وكان فيه احترام، وده أغلى حاجة ممكن أي حد يطلع بيها من مكان شغل.. أغلق صفحة مهمة في حياتي المهنية، وأنا ممتن لكل لحظة فيها، ومتطمن إن اللي جاي مكمل على اللي فات بخبرة أكبر وقلب هادي ونية صادقة".

اختتم: "شكرا cbc وشكرا لكل اللي كانوا جزء من الرحلة. إلى لقاء جديد وخطوة جديدة بإذن الله.