بعد فقدان والده وابنته.. أحمد عبد الحميد: ربنا بيحبني
وجّه الفنان أحمد عبد الحميد رسالة شكر مؤثرة لكل من دعمه وسانده خلال محنته الأخيرة، بعد وفاة ابنته عقب معاناة مع المرض منذ ولادتها، ووفاة والده الماكيير الكبير محمد عبد الحميد قبلها بأسابيع.
قال أحمد عبد الحميد، عبر خاصية القصص المصورة بموقع الصور والفيديوهات "إنستجرام": "متشكر لكل الناس اللي بتحبني ووقفت جنبي في مصيبتي، الحمد لله اكتشفت الأيام اللي فاتت إن ربنا بيحبني أكتر عشان يختبرني ويبتليني بجزء صغير من الابتلاءات اللي شافها الرسل والأنبياء وعباده القريبين".
أضاف: "أنا مش زعلان، أنا راضي وحامد ومبسوط، مبسوط إن ربنا رزقني بناس حلوة زيكم كلكم في ضهري، واتأكدت من محبتكم، وربنا يقدرني وأرد جزء منها، وما أشوفش فيكم أي حاجة وحشة".
اختتم أحمد عبد الحميد حديثه، قائلًا: "الحمد لله عدد ما كان وعدد ما يكون وعدد الحركات والسكون".
يُذكر أن أحمد عبد الحميد كان قد أعلن يوم الجمعة الماضية وفاة ابنته، بعد معاناة مع المرض منذ ولادتها العام الماضي، وذلك بعد أسابيع من رحيل والده الماكيير محمد عبد الحميد.
