كلمات أغنية "مالي عيني" لـ فرح الموجي
طرحت المطربة فرح الموجي أغنية جديدة بعنوان "مالي عيني" عبر قناتها الرسمية بموقع يوتيوب.
أغنية "مالي عيني" من كلمات حسام سعيد، وألحان أحمد جمال.
جاءت كلمات الأغنية كالتالي:
لو ع الكلام مافيش أكتر منه
بس المهم القلب فيه إيه
وحبيبي مهما أتكلم عنه
صعب أوصف اللي ف قلبي انا ليه
فيه حاجات كتير تتقاس ف الدنيا
وانا حُبي ليه عمره ما يتقاس
دنا مهما شافت عيني ناس تانيه
بشوفه دايماً أحلى الناس
ده مالي عيني .. ومكفيني
ومريحني ومهنيني
ومعاه انا يوم عن يوم بطلع قدام
ده نور عينيا .. وأغلى ما ليا
وطول ما نَفَسه بخير حواليا
هتمنى إيه تاني وأطلب إيه م الأيام
دايماً غلاوته ف قلبي بتكبر
وحُبه بيزيد بالأيام
و غيبتُه عمري عليها ما بقدر
ف غيبتُه عمر العين ما تنام
ده هو عيني اللي بشوف بيها
وهو قلبي اللي بعيش بيه
ومستحيل خطوه أخطيها
من غير ما ايدي تكون ف إيديه