"الأجيال الجديدة مظلومة".. منة القيعي تنتقد ندرة أغاني الأطفال
انتقدت الشاعرة الغنائية منة عدلي القيعي ندرة أغاني الأطفال، مؤكدة أن الأجيال الجديدة باتت مظلومة لغياب أعمال فنية موجهة لهم، ما يدفع معظمهم للاستماع إلى الأغاني الأجنبية ذات الرسائل “المسمومة”، مستشهدة بتترات مسلسل الرسوم المتحركة الشهير "بكار" كنموذج للأغنية الهادفة.
كتبت "القيعي" عبر حسابها الرسمي على موقع "فيس بوك": "أنا بقالي فترة بسمع تتر (بكار) الاتنين، (يا أبو كف رقيق وصغير) و(من قلبه وروحه مصري) كلمات العظيمة كوثر مصطفي.. وبتأثر جدا من جمال الكلام والغناء واللحن والفكرة والهوية والمشاعر والبساطة والرسالة".
أضافت: "والله العيال في الزمن ده مظلومين ما لقوش حاجة يسمعوها، وبقوا يا بيسمعوا حاجات الأجانب اللي كلها رسايل مسمومة ومدسوسة بتقولهم من حقك تبقى كلب وفيشة والقرف ده، يا إما بيسمعوا أغانينا إحنا (الغزالة رايقة) و(صاحبي يا صاحبي) و(الحب جاني جاني).. وهكذا، وده لذيذ احيانا طبعا، بس فين المحتوي اللي بيكلمهم؟".
اختتمت: "فين الحاجات اللي حببتنا في مصر وفنانين مصر ومعاني الإنسانية والعيلة واللذاذة والهوية؟ عمومًا قريب جدا كل ده يتغير إن شاء الله".
