شريف رمزي: لا أخشى المقارنة في "البحث عن فضيحة"

تحدث الفنان شريف رمزي عن كواليس مشاركته في إعادة تقديم فيلم "البحث عن فضيحة"، الذي قدمه الفنان عادل إمام والفنان سمير صبري عام 1973، مشيرًا إلى أنه لا يخشى المقارنة بين دوره ودور الفنان سمير صبري، لأنه سيقدمه بشكل مختلف تمامًا.

قال "رمزي" خلال لقاء صحفي على هامش حفل "جائزة ساويرس الثقافية": "بشوف أن الجيل الحالي اللي بيدخل السينما، معندوش فرصة أنه يشوف أفلام مهمة كتير جدًا، اتعملت في التسعينات والسبعينيات والثامنينيات، فأعتقد لما نعمل (البحث عن فضيحة) كل الجمهور السينمائي، هيبقى مشافش الفيلم الأصلي".

نرشح لك: قريبا.. فيلم "ده صوت إيه ده!" مجانا على يوتيوب

أضاف أنه يرحب بتقديم معظم أفلام عادل إمام وغيرها من كلاسيكات السينما المصرية، موضحًا: "أنا حابب أننا نقدم (البحث عن فضيحة) تاني، وفي أفلام كتير أحب أننا نقدمها تاني، زي معظم أفلام أستاذ عادل إمام لو اتقدمت تاني، أعتقد هتتعمل بشكل حلو، وهتحيي الأفلام القديمة وتقدمها تاني".

وعند سؤاله عن المقارنه بينه وسمير صبري في شخصية "سامي"، أوضح: "إحنا بنعمل نفس الفيلم مش نفس الدور، أنا بعمل دور سامي مش شخصية أستاذ سمير، هو عملها بشكل، وأنا هعملها بشكل تاني مختلف".

أشار إلى أن فريق العمل انتهى من فترة التحضيرات، ومن المقرر انطلاق تصوير الفيلم عقب شهر رمضان 2026.