رد الطفل ريمون توفيق على ظهوره في برنامج "The Blind Date show"

هدير عبد المنعم

رد الطفل ريمون توفيق على الجدل المثار حول حلقته في برنامج "The Blind Date show"، والتي تم حذفها بسبب هجوم الجمهور.

نشر "توفيق" عبر حسابه الشخصي على موقع التواصل الاجتماعي فيس بوك، وكتب: "كنت حابب أوضح كام نقطة بخصوص برنامج the blind date show، من اربع شهور كلمونا القائمين على البرنامج عشان نروح نعمل حلقة ووضحوا لنا قبل ما نروح إن الحلقة غير الحلقات العادية وغير حلقات الكبار خالص حتى المواضيع اللي هنتكلم فيها مواضيع ليها علاقة بالمدرسة والنادي وأصحابنا وبنذاكر ازاي وازاي بنعرف نوفق بين الدراسة والتمثيل وكدا".

نرشح لك: القصة الكاملة لـ أزمة أحمد مكي مع مديرة أعماله

تابع: "وفعلا ده اللي حصل والحلقة كانت حلقة طفولية جدا ملهاش علاقة بالمحتوى اللي بيتكلم في البرنامج خالص وإن الحلقة كانت عبارة عن إن دي لعبة بكلم حد أنا مش شايفه وبحاول أعرف أنا قاعد مع مين بس مش أكتر".

استكمل: "والحلقة نزلت وشوفناها كلنا وكانت حلقة جميلة جدا وكله طفولة وضحك وهزار ولا تمت بأي صلة بمحتوى البرنامج الأساسي.

وبعدها بساعة بالظبط الحلقة اتشالت بسبب كل الهجوم اللي حصل عليها مع إنكم لو كنتوا شوفتوا الحلقة كنتوا هتفهموا إنها غير حلقات الكبار خالص حتى لغوا إننا ندي لبعض rate بعد كل round

وشكرا".