ليس داعية وينتمي إلى الصوفية.. مصطفى حسني يرد
سارة عبد الدايم
كشف الداعية مصطفى حسني عن تعليقه حول ما يثار عن كونه ينتمي إلى الصوفية وليس بداعية، مؤكدًا على أن الهدف الذي يسعى إليه هو الإنارة وليس الإثارة كيفما تعلم من المشايخ الكبار.
قال "حسني" عبر صفحته الشخصية بموقع تبادل الصور والفيديوهات "إنستجرام": "مشايخنا علمونا إن إحنا هدفنا الإنارة وليس هدفنا الإثارة، ولما ناس طيبين يكونوا مشغولين بغيبة غيرهم أنت مش المفروض أنك تنزعج وتلتفت".
نرشح لك: مصطفى حسني: بعد الكسر يأتي الجبر!
تابع: "لما حد بيقول كلام سلبي بسمع وبشوف يكون في كلامه شيء أخد بالي منه أو حاجة عنده حق فيها أحاول أتراجع عنها لو قلت معلومة غلط، لكن كثير من أصدقائنا اللي مشغولين بتبديع خلق الله، إعتقادي أن كثير منهم يحتاج إلى طلب العلم".
أضاف "حسني": "دايمًا تعرض أقوال من يتكلم على القرون الـ 3 الأولى لأن الحق معاهم، وتشوف مين ماشي مع السلف الصالح وتمشي وراه على طول سواء سنه كبير أو صغير".
أوضح: "اللي لم يدرس العلم على يد المشايخ، وقعد سنوات طويلة يقرأ ويأخذ إجازات ويشوف الصحابة اتعلموا إزاي والأئمة الأربعة وسلفنا الصالح، اللي متعلمش بالطريقة دي بيظن أن اللي يعرفه من الدرس اللي سمعه في السوشيال ميديا بيفتكر أن ده الدين، والإشكالية كمان لو كان شيخه كده".