منة عدلي القيعي: أرجوكم محدش يبعتلي كلمات أغاني!
وجهت المؤلفة الغنائية منة عدلي القيعي رسالة لجمهورها وطلبت منهم عدم إرسال كلمات أغاني من تأليفهم، وذلك للحفاظ على حقوقهم الأدبية.
كتبت "القيعي" عبر حسابها الرسمي على موقع التواصل الاجتماعي "فيس بوك": "أرجوكوا محدش يبعتلي كلمات أغاني، والله مش هينفع أقرأ شغل حد".
تابعت: "حفاظًا على حقوقكم الأدبية وعلى مساحتي وحقوقي أنا كمان، من فضلكوا محدش يبعتلي كلمات والله والله مش بقراها".
أردفت: "أنا لو كتبت كلمة (حبيبي إزيك) وحد كان صدفة باعتلي نفس الكلمة دلوقتي مش هتقولوا دي بتاعتي؟ وأقعد أنا بقى أحلف على مصحف أني مشوفتهاش وندخل في حتة مش ظريفة ليا ولا ليكوا".
أضافت: "أنا بعتذر جدًا، والله نفسي أقدر أساعد كل الناس لكن دي منطقة طول عمرها شائكة جدًا جدًا عند الكل اعذروني".
كانت آخر أعمال المؤلفة الغنائية منة عدلي القيعي أغنية "قلبك تلاجة" غناء فارس سكر من فيلم "إن غاب القط" بطولة آسر ياسين وأسماء جلال.