بعد جدل الفنان الأعلى أجرًا.. توضيح محمد إمام حول منشوره الأخير
علق الفنان محمد إمام على جدل الفنان الأعلى جدلًا وذلك بعد منشوره الأخير الذي أشار فيه أن والده الفنان عادل إمام كان ولا يزال الأعلى أجرًا في الوطن العربي.
كتب "إمام" عبر حسابه الرسمي على موقع التواصل الاجتماعي "فيس بوك": "أنا مش عارف ليه في ناس فهمت إن أنا نزلت بوست لشخص محدد، أنا عامله ليهم كلهم".
تابع: "نتكلم جد شوية، أنا عمري لا حطيت حد ولا هحط حد في دماغي وده اللي اتعلمته من أبويا ربنا يخليه لينا، إني أكون ابن أكبر نجم في التاريخ ووصلت للي أنا فيه دلوقتي ده مكنش سهل أبدًا وبحمد ربنا عليه كل يوم".
أكمل: "ده كان بفضل حبكم ودعمكم ليا بعد فضل ربنا سبحانه وتعالى، يعني أنا أصلًا فيا اللي مكفيني وحقيقي بتمنى الخير للجميع".
أضاف: "المنافسة دي بتخلينا نطلع أحسن ما فينا وكل ده في صالح الجمهور العظيم اللي زيكم.. بشكر كل اللي بيحبني.. أنا بحبكم أكتر بكتير وأنتوا أهم حاجة في حياتي بعد عيالي".
وكان قد كتب الفنان محمد إمام عبر حسابه الرسمي على موقع التواصل الاجتماعي وتبادل الصور والفيديوهات "إنستجرام": "طيب علشان بس نحسم الجدل لأن في تصريحات نزلت على لساني أنا ماقولتهاش.. عادل إمام هو ما زال أعلى أجر في الوطن العربي ومحدش مننا يقدر يقرب للرقم بتاعه.".
تابع: "في نجوم كبار في السينما بيجيبوا أعلى الإيرادات ونجوم متألقين بيدغدغوا الدنيا في المسلسلات بيتقاضوا أعلى الأجور.. بس ده مايمنعش إن أنا برضو الأعلى أجر فيهم".
أكمل: "تحياتي لكل زمايلي الفنانين.. كلنا بنبذل أقصى مجهود عندنا علشان نسعدكم.. ربنا يوفق الجميع، والبوست ده هزار مع صحابي والناس اللي بتحبني علشان مش عاوز دوشة".
