بسبب طفل رضيع.. عارفة عبد الرسول توجه رسالة لصناع الأعمال الفنية
وجهت الفنانة عارفة عبد الرسول رسالة لمديري الإنتاج بعد أن لاحظت موقفًا صعبًا مرت به أم أحد الأطفال خلال مشاركته في عمل فني.
كتبت "عبد الرسول" عبر صفحتها الرسمية على موقع التواصل الاجتماعي "فيس بوك": "قعدت على كرسي بلاستيك حاضنة ابنها البيبي في الهواء الطلق التلج لمدة ساعات".
تابعت: "البيبي عنده تصوير ولما جت اللحظة وبدأ التصوير عيط، خدي يا ست رضعيه، قعدت تدور على مكان ترضعه فيه، وشوية وعيط، خدي يا ست غيريله".
أضافت: "قلبى وجعني ومش عايزة أناشد ولا أشجب ولا أندد.. كلمة صغيرة لمديري الإنتاج اللي لسه عندهم إنسانية وهما كتير، لما يبقى عندك أطفال في العمل من فضلك وفر لأهله مكان وخليهم ييجوا على ميعاد تصويرهم بالظبط".
أكملت: "مش يبقوا موجودين من تمانية الصبح ويصوروا عشرة بالليل.. خلونا بنى آمين والنبي ده هي دي اللي هتنجينا".