محمود سعد: عندنا مشكلة في المقرئين والمنشدين!
تحدث الإعلامي محمود سعد عن المقرئين المصريين المفضلين لديه، وأنه اعتاد منذ الصغر على الاستماع لصوت الشيخ الحصري، مشيرًا إلى رأيه الشخصي في مشكلة القراء والمنشدين المتواجدين في الوقت الحالي.
قال "سعد" خلال مقطع فيديو نشره عبر حسابه الرسمي على موقع التواصل الاجتماعي وتبادل الصور والفيديوهات "إنستجرام": "أنا بحب الشيخ الحصري بشكل شخصي، لأني وأنا صغير كنت بروح الحسين وهو بيطلع في المشربية العالية يقرأ قرآن وبعدين ينزل فنجري عليه نبوس إيده.. بحبه لأنه بيقرأ بطريقة جميلة وهادية".
تابع: "لما كبرت شوية بدأت أتذوق، طبعًا الحصري ملك، إنما في ناس تانية، زي محمد رفعت.. يعني مغرب رمضان لو سمعناها بصوت أي مؤذن غيره يبقى رمضان لسه مجاش، وبعدين سمعت المنشاوي وعبد الباسط والإمبراطور مصطفي إسماعيل.. عندنا مقرئين في منتهى الجمال".
أشار: "بيحزنني أننا عندنا برنامج مهم جدًا الناس كلها بتتفرج عليه اسمه "دولة التلاوة" وهو شيء جميل جدًا، لكن عايزكم تتفرج على فجر رمضان اللي بيتذاع على الهواء من جوامع كتير كبيرة.. في مشكلة في المقرئين والمنشدين".
نرشح لك: محمد علي خير: ليه سعر المدفن يوصل لـ 7 مليون؟
أضاف: "إزاي عندنا الأصوات دي وعندنا المشكلة دي.. ليه معندناش نجوم زي زمان؟.. القرآن نزل في مكة وكُتب في الشام وقُرئ في مصر، دي حاجة أنا عارفها من وأنا عيل صغير ولذلك المقرئ المصري له طريقة تانية".