توقعات بسنت يوسف خبيرة التاروو للأبراج في 2026
حلت بسنت يوسف خبيرة التاروو ضيفة على برنامج "الحكاية" المذاع على شاشة mbc مصر، ويقدمه الإعلامي عمرو أديب، وكشفت عن توقعاتها للأبراج في عام 2026.
وجاءت التوقعات كالتالي:
برج القوس في 2026
فرصة النجاح موجودة سواء عاطفيا أو ماديا أو اجتماعيا، كمان فرص السفر مفتوحة، لكن النجاح مرتبط بالالتزام مش بالمغامرة والعشوائية، السنة الجاية هتقولك أنجح واتبسط بس بعقل.
سنة حب ورومانسية، ومحتاج تفهم إن نجاح أي علاقة عاطفية يعتمد على شريك يفهم حريتك.
كل السنة جيدة ماليا خاصة النص التاني، عندك بدايات مهنية جديدة، دراسيا نجاحك مرهون بعامل الوقت والالتزام.
برج الحمل في 2026
يبدأ من 20 مارس إلى 20 إبريل، عام 2026 مش سنة راحة.. لكنها سنة تأسيس، النجاح مش سهل، بس مضمون بالالتزام، مش كل شرارة حب تستاهل تكمل، وإن الحب الحقيقي مسؤولية مش مجرد مشاعر.
الفرص المالية موجودة، لكن الصرف العشوائي هيعرّضك لأزمة مالية، والربح الحقيقي هييجي من مشروع مدروس، و أي اندفاع في قروض أو شراكات غير مضمونة مخاطرة شديدة.
النجاح الدراسي مرتبط بالالتزام والاستمرارية والاعتماد على الفهم والتنظيم.. مش الحفظ السريع.
برج الأسد 2026
داخل على سنة استعادة الضوء، هتنفتح فيها أبواب السفر والتعليم والمكانة المتميزة وعلى غير العادة مش هتهتم بالبريق والمظاهر
هتنكشف لك نوايا الحبيب والشريك بوضوح هل بيحبك لشخصك ولا لدورك اللي بتقوم به
باب الحب مفتوح على مصراعيه، خاصة في النص التاني من السنة واللي هيكون أفضل ماديًا وعمليًا
هي سنة وعي وترتيب أولويات عشان تستفيد لأعلى درجة ممكنة، نجاح الطلبة والدارسين من برج "الأسد" مرتبط بثقتك الحقيقية بنفسك مش باللي بتظهره للغير
برج السرطان في 2026
2026 سنة كشف الحساب مهنيا وعاطفيا واجتماعيا، كل اللي اتبنى السنين اللي فاتت على المجاملة، مش هيتحمل الاختبارات السنة دي.
من الأبراج اللي ممكن تتعب جدا، علشان هو حساس جدا وبياخد كل حاجة على أعصابه.
ولازم يحدد موضوع العطاء والاهتمام بالغير على حساب نفسه، ويفكر فيه ويظبطه.
تنظيم ميزانيتك ضرورة ملحة.. 2026 هي أكبر اختبار ليك من 2010.
برج الحوت في 2026
بعد 15 سنة عشتهم جوة سحابة كوكب نبتون وكنت مشوش، أخيرا رجلك هتلمس الأرض من جديد وهتظبط حياتك.
سنة مراجعة لأوضاعك المالية والعاطفية.. وضعك المالي هينتعش لما تعرف قيمتك الحقيقية.
الأحلام لوحدها مش كفاية، لازم تطلب حدود واضحة لأن علاقتك هتنجح لما يتحول الكلام والمشاعر لأفعال.
نجاحك الدراسي محتاج التزام ودعم نفسي من المحيطين بيك.
برج الثور في 2026
سنة هدوء ظاهري لكن هيكون في ثورة وتغيير داخلي محدش هيحس بيها.
تحت السطح الهادي، هيحصلك إعادة ضبط كاملة تستعيد بيها اللي فقدته على مدار الـ 7 سنين اللي فاتوا.
عندك قرارات مالية ونفسية هتتطبخ على نار هادية، وشرط النجاح في 2026 هي المرونة.
عاطفيًا قلبك محتاج للأمان مش للدراما والضجيج.
برج الدلو في 2026
قوتك في كلمتك حتى ادلو مش كل الناس عايزة تسمعها، بكلمة واحدة منك تقدر تغير مسار.
انسى كل اللي عرفته عن الحب في سنين عمرك اللي فات، لأن اللي جاي في حياتك حب غير تقليدي، وحالة متفردة.
أنت من أفضل الحظوظ المالية في 2026.
دراسيا لازم تتغلب على الزهق والملل، وتنظم وقتك بين الجد واللعب.
برج الجدي في 2026
مش هتقدر تهرب من مواجهة الماضي وفتح ملفات قديمة، وأنت محتاج شريك يعتمد عليه، العلاقات العابرة ماتضيعش وقت فيها.
2026 مش سنة مكاسب سريعة، لكن مستقرة، خاصة وإنك هتحصد ثمار جهودك السابقة.
السنة دي صبرك هو رأس مالك الحقيقي، والتحسن هيبدأ من النص التاني من السنة.
برج العذراء في 2026
أخيرا الفوضى اللي تراكمت في حياتك من 15 سنة هتترتب، سنة حاسمة في المال والديون والشراكات.
عاطفيا محتاج تبقى واضح في العلاقة مش مثالي، العلاقة الصحية هي اللي هتقوم على الصدق مش الكمال.
أنت من أكتر الأبراج المستقرة ماليا لأن عندك فرص تحسن مالي حقيقي وديون هتتسدد، والأهم إنك كنت من اللي عانوا من وضع صحي أرهقك ماديا، فالوضع ده هينتهي.
برج الجوزاء 2026
الجوزاء عنده نقلة نوعية في المال والعمل والعلاقات، من أكتر الأبراج اللي عندها تغييرات كبيرة
كوكب أورانوس بيقتحم برجك وهيفجر جواك أفكار جديدة ومتميزة، وهيديك فرص رائعة ومكاسب خيالية
هتكون مثار إعجاب وفرص الحب والتعارف متعددة ولكن هتواجه نفسك بأهم سؤال.. مين اللي فعلاً يستحق مشاعرك؟
برج الميزان في 2026
العاطفة والعلاقات الشخصية هما أقوى محور في 2026 لبرج الميزان، كل علاقاتك هتبقى تحت الميكروسكوب، إما شراكة وعلاقة حقيقية ومتوازنة أو انسحاب محترم مهما كان القرار مؤلم.
مش سنة فلوس سهلة، وضعك المالي هيتحسن تدريجيا وتتحول لقفزات مالية آخر السنة، المال الوفير هيجي من شراكات وعقود أو تعاون مالي مش من مكسب فردي، الشرط الأساسي إنك تبقى ملم بالأوضاع القانونية لأي اتفاق لتجنب أي خسارة مفاجئة.
أدائك الدراسي هيبقى أفضل بعد حسم قرارك في اختيار التخصص، المدرس، القسم، الخروج ولا المذاكرة، لأن التردد والحيرة هما اللي ممكن يأثروا على تحصيلك الدراسي، فاحسم موقفك هتنجح بتفوق.
برج العقرب في 2026
بعض التغييرات الجذرية والاستقرار هيتطلب منك إنك تغير روتينك بالكامل.
سنة كشف نوايا وحب صادق، أما العلاقات الغير صحية هتنهيها بقرار لا رجعة فيه.
الصعود المهني والمادي هيبدأ من النص التاني من السنة.
أوضاعك أفضل بكتير من السنين اللي فاتت وعندك مكاسب غير متوقعة.
