وزارة الصحة توضح سبب انخفاض معدلات الإنجاب

كشفت الدكتورة عبلة الألفي، نائب وزير الصحة عن تراجع معدلات الإنجاب، مشيرة إلى دور الوزارة في تنظيم الأسرة ومساعدة السيدات المصريات.

قالت "الألفي" خلال مداخلة هاتفية مع برنامج "صباح الخير يا مصر" المذاع عبر شاشة القناة الأولى المصرية: "معدل الإنجاب 2.4 وده يعني كل ست في فترة الإنجاب الكلي لها اللي هي من 18 سنة ل49 بتخلف كام طفل، وكل 10 ستات بيجيبوا 24 طفل، وفي 2014 كل 10 ستات كانوا بيجيبوا 35 طفل".

أشارت: "ملف السكان أخد منحى تاني خالص، معدناش بنقول للأسر يا 2 أو 3 كفاية، ملناش دعوة بالعدد، احنا لينا بحقوق الطفل في الرعاية المثلى

 في فترة ما بعد الولادة وأثناء الحمل لحد ما يتم سنتين لأن الفترة دي مسؤولة عن 85% من القدرات الجسدية والذهنية للطفل".

أضافت أن وزارة الصحة والسكان تقون بتوفير المشورة السليمة للسيدات بالإضافة إلى وسائل منع الحمل دون مقابل، موضحة: "حتى أغلى الوسائل الموجودة في العالم بتحصل عليها السيدة المصرية دون مقابل".

أكملت: "لما درسنا حالات الحمل غير المخطط له لقينا إنه بيحصل في أول 6 شهور بعد الولادة نتيجة أن الست بتخرج من المستشفى بتتأخر قبل ما تروح للوحدات الصحية.. دلوقتي في كل المستشفيات اللي بتتم فيها الولادة فيها تركيب وسيلة بعد الولادة المباشرة وبتكون طويلة المدى ممكن تقعد 3 سنين وبتمتد لـ 12 سنة".