عمرو زكي: هناك شخص تعمد أذيتي
رد عمرو زكي نجم الكرة المصرية السابق، على الشائعات التي انتشرت عنه في الفترة الأخيرة، وحقيقة مرضه.
وقال "زكي" في تصريحات مع سهام صالح لبرنامج "الكلاسيكو" على قناة "ON": أما تيجي تتكلم ايه الهدف من إنك تتكلم على لاعيب كورة، انا مش هذكر أسماء.. انا مش هزعل لما أقول لواحد".
أضاف: "زعلان من حاجات كتير، ومش هرد على حد معين، وانا بقول للحد ده انت ليه مجتش كلمتني ليه".
وتابع: لازم أراعي نفسية الشخص، لأن المعلومة دي ممكن تأذيني وتأذي أهلي وبنتي وبيتي.. بنتي بتصرخ بتقولي يا بابا هو مفيش غيرك كل شوية يقولوا كلام غلط، لو أنا ماشي غلط مفيش مشكله تقولي غلط عشان لتعلم".
واصل: "المصداقية هي اللي بتقولي اشتغل وأطلع هنا ولا اطلع هنا، محدش أصلًا كان بيتصل عليا، انا بوصل للناس بسرعة.. لو عاوزني أرجع للساحة يكلمني بيني وبينه مش على الشاشة وقدام الناس، أنت بتغفل الدنيا عشان أنت بتتكلم عليا بشكل غير لائق".
واختتم: "هو إيه الخبر أصلا عشان أطلع أقول.. لما أنت بتقول كده عشان اطلع اشتمك وأظهر من تاني، لو كنت طلعت مكنش هيفرق معايا انك كابتني أو أي حد وكنت هقولك واكلمك ، للدرجة دي فريق الإعداد بعيد عني عشان تطلع تتكلم".