بعد قرار إقامة كأس أمم إفريقيا كل 4 أعوام.. إبراهيم فايق: "هي البطولة دي ملهاش صحاب"
علق الإعلامي إبراهيم فايق من قرارات الاتحاد الإفريقي لكرة القدم "كاف" وذلك بعد اتخاذ قرار إقامة كأس الأمم الإفريقية كل 4 أعوام بدلاً من إقامتها كل عامين.
قال "فايق" عبر صفحته الرسمية بموقع "فيس بوك": "بطولة أمم إفريقيا دي مالهاش صحاب.. شيلها من الصيف حطها في الشتا".
تابع:"طب بقولك ايه.. ما تجيبها كده شوية نرجعها للصيف كده نجرب؟!! حبيبي بقولك ايه.. نأجلها السنة دي؟! نأجلها عادي مش هيجرى حاجة.. نخليها في السنين الفردية؟! علشان تبقى في سنين غير كاس العالم؟!.
أضاف "فايق": "طب بقولك.. تيجي نخليها كل 4 سنين؟! كل 4 سنين حلو وحط جنبها شوية كلام منمق كده من بتوع الإستراتيجية والرؤية والحاجات العميقة دي".
أشار "كان فيه بطولة اتلعبت كده بين الأندية، اسمها دوري السوبر الافريقي؟! راحت فين دي؟! كنت حطيت قبلها كلمة استراتيجية وقتها وتعظيم المدخلات للأندية وقولت هتلغي الكونفيدرالية وكده، فاكرها؟
يشار إلى منتخب مصر الأول سيشارك في البطولة بقيادة حسام حسن، فى النسخة الـ35 من بطولة كأس أمم أفريقيا 2025، التى ستقام فى المغرب خلال الفترة من 21 ديسمبر الجاري وحتى 18 يناير المقبل،بمشاركة 24 منتخبًا.
ويقع المنتخب الوطنى فى المجموعة الثانية، إلى جانب زيمبابوي وأنجولا وجنوب أفريقيا، ويستهل مشواره فى البطولة القارية بمواجهة زيمبابوي بعد غدٍ الإثنين 22 ديسمبر.