كلمات أغنية "كاس الحظ" لـ رامي جمال
طرح الفنان رامي جمال ألبومه الجديد بعنوان "مطر ودموع"، عبر قناته على موقع الفيديوهات يوتيوب، ويضم الألبوم 12 أغنية متنوعة.
من بين أغاني الألبوم أغنية "كاس الحظ" من كلمات محمود فاروق، وألحان رامي جمال، وتوزيع كريم عبد الوهاب.
وجاءت كلمات الأغنية كالتالي:
لسه كاس الحظ فاضي
لسه دمعي لا إرادي
الف محنه بس عمري
يوم ما ابديت اعتراضي
لسه بكتم همي واضحك
هات يا وجع القلب اخرك
يا زمان وريني نفسك
جتها راضي وهامشي راضي
لسه يوميا بحاول
إني اعدل أي مايل
طب ما ياما الحظ جامل
ليه مانولنيش مُرادي
لسه بجري رغم تعبي
وانجرح لكن بخبي
وأعترف دايما لقلبي
أحلى ما في العمر ماضي
لسه عايش ع البواقي
لسه برده البُعد دائي
لسه مش قادر ألاقي
غير ليالي زمان قصادي
لسه نومي خفيف ولسه
مش بيقدر قلبي ينسى
الف ذكرى والف قصة
ساكنه قلبي بالتراضي
لسه يوميا بحاول
إني اعدل أي مايل
طب ما ياما الحظ جامل
ليه مانولنيش مُرادي
لسه بجري رغم تعبي
وانجرح لكن بخبي
وأعترف دايما لقلبي
أحلى ما في العمر ماضي