تامر أمين: وجدت ضالتي في برنامج "دولة التلاوة"

أشاد الإعلامي تامر أمين ببرنامج "دولة التلاوة"، مشيرًا إلى أنه نموذج إعلامي يُحتذى به، فهو برنامج توعوي وتربوي قادر على تنشئة الأجيال الجديدة.

قال "أمين" خلال حلقة مساء السبت من برنامج "آخر النهار" المذاع عبر شاشة "النهار": "هكذا يكون الإعلام والمحتوى وبناء الوعي للإنسان، ودولة الثقافة والعلوم والفنون.. هو حالة مصرية إعلامية مصرية تربوية توعوية تثقفية إيمانية ولا أحلى ولا أروع".

أضاف: "عايز أقبل رأس كل واحد اشترك في البرنامج من أول الفكرة مرورا بالتخطيط والتنفيذ والإذاعة على الهواء.. برنامج يفرح، لأنه هو ده هدف الإعلام اللي أننا اتعلمناه".

أشار: "الجزء الترفيهي طبعا مهم بس مش هو الأهم.. مينفعش لو مسكنا محتوى الإعلام، نلاقي الجزء الترفيهي واخد 70 أو 80 % منه، أنت بتشكل وعي، وطبعا الترفية مش الجزء الأساسي للوجدان المصري".

أوضح تامر أمين: "أنا كمان فرحان بمشاهدة الأطفال للبرنامج وهما بيشوفوا المواهب للسنهم اللي خدوا القرأن منهج ليهم، والأهل اللي علموا ولادهم كيف يحبون ويحفظون ويتلون القرآان، فـ مفيش أحلى من كده، وبقى ده نموذجهم الإيجابي مش النموذج اللي كنا بنصدرهم السنوات الأخيرة".

أكد: "أنا كمصري ومواطن وجدت ضلتي في هذا البرنامج، لأنه جمع كل الأشياء الحسنة.. مصروف عليه كويس ديكور وإنتاج وإضاءة والابهار ومحتواه تلاوة وقراءة وتجويد القرآن الكريم واكتشاف المواهب وإظهار الناشئ المصري اللي ربنا وهبهم موهبة تلاوة القرآن وتجويدة، ولجنة تحكيم من الشيوخ والدعاة اللي مفيش أروع هو منظومة الأكمل على مستوى البرامج اللي بنشوفها".

اختتم "أمين": "ده الاتجاه الصح، أن هو تربية وتنشئة وتوعية الأجيال الجديدة، لأن ما تغذيه بهم في الصغر هيظهر في الكبر، هتديهوم يمين هيطلعوا يمين.. نعمل برامج في الشعر ، عشان الأطفال يرجعوا يحبوا اللغة العربية والفصاحة والقصائد الجميلة اللي أجيالنا اتربت عليها وكمان مسابقة في الأدب وفي العلوم.. مصر ولادة والـ110 مليون فيهم 110 مليون مبدع وموهوب ومخترع، خلونا نطلعهم".