"اللي زعلان يستخبى".. حسام حسن يوجه رسالة حادة لمنتقدي إدارته للمنتخب

أعرب الكابتن حسام حسن، المدير الفني لمنتخب مصر لكرة القدم، عن ارتياحه لأداء اللاعبين بعد الفوز على كاب فيردي بركلات الترجيح، مؤكدًا أن المباريات الحالية تظل تجريبية وتهدف لتجهيز الفريق وإدخال عناصر جديدة.

وقال حسام حسن خلال لقاء مع قناة ON Sport، إن المنتخب يواجه إصابات كثيرة تؤثر على تشكيلة الفريق: "عندي تيم بحاله مصاب، واللاعيبة مرهقة، لعبوا أربع ماتشات في عشر أيام، وفيه لعيبة جاية من الدوري ومجهدة"، وأكد أنه يسعى لمنح الفرصة للاعبين الجدد، مشددًا على أن هذه المرحلة هدفها البناء وليس النتائج.

نرشح لك: انتهت سريعا.. تفاصيل أزمة الغندور ومدحت في عزاء محمد صبري

كما انتقد المدير الفني بعض الأصوات التي تهاجم الجهاز الفني المصري بينما تمتدح المدربين الأجانب، قائلاً: "الأجنبي لو عمل اللي إحنا بنعمله كانوا عملوا له تمثال، إحنا مصريين وبنحب بلدنا، والجهاز شغال وبيجتهد".

تابع: "بقول للمصريين الطيبين، إحنا بنجرب وبنشوف الطرق اللي بنلعب بيها والمشاكل عندنا.. عايز الناس تهدى شوية، في ناس نفسية وحشة قوي، لو مدرب أجنبي موجود كنا عملنا له تمثال.. إحنا مصريين وبنحب بلدنا وبنجتهد وبنفكر".

أوضح أن الجهاز الفني يعمل في ظروف صعبة لكن الهدف واضح: "الجهاز ده وصل كاس عالم ووصل نهائي أمم بدون هزيمة، واللي جاي أصعب، ومستوى المنافسين أعلى".

اختتم حديثه بالتأكيد على استمرار العمل دون الالتفات للانتقادات، قائلا: "السوشيال ميديا دي خربت بيوت وبلاد، وإن شاء الله ربنا يخلصنا منهم.. اهدوا شوية على بلدكم، خلوكم زي المصريين الطيبين.. أنا هفضل كده، وصلنا كأس العالم، وكأس العالم.. اللي زعلان يستخبى لحد ما نخلص المهمة بتاعتنا.. اللي يهمني شعب مصر اللي واقف ورا المنتخب في الحلو والوحش".