شريف مدكور يطالب بعدم إعلان موعد جنازات المشاهير

تحدث الإعلامي شريف مدكور عن فوضى جنازات وعزوات المشاهير، مقترحًا عدم الإعلان عن موعدها لمنح أسرة المتوفي فرصة الدفن بهدوء بعيدًا عن الضجيج، منتقدًا المظاهر غير الطبيعية.

قال "مدكور" خلال حلقة مساء السبت من برنامج "4 شارع شريف" المذاع عبر شاشة "الحياة": "الجنازات والعزوات في مصر بقت صعبة، خاصة المشاهير.. أنا رأيي لما حد يتوفى من المشاهير ما تعلنوش امتى الجنازة ولا هيدفن فين، وسيبوا أهله يعرفوا يدفنوه بهدوء، لأن بتبقى حاجة صعبة جدا".

نرشح لك: تأييد حبس السائق المتسبب في حادث فتيات الطريق الإقليمي بالمنوفية 15 عامًا

تابع: "ساعات في العزاء بيضطروا يحطوا رجال أمن عشان يمنعوا الناس تدخل، وأنا مش ببقى عارف مين اللي دول اللي واقفين يصوروا ويقولوا للفنان اللي رايح يعزي : تقول إيه لأهل فلان؟ هيقول ايه يعني؟!!! سؤال مش في محله خالص".

في سياق آخر، انتقد شريف مدكور حديث البعض عن حالة المتوفي أثناء الغُسل، موضحًا: "في ناس بتقول: ده الميت كان مبتسم أو مكشر أو وشه منور وقت الغسل.. مش المفروض تقولوا الحاجات دي أو النعش كان بيطير، الحاجات دي بتجبوها منين!!".

أوضح: "الميت لا بيبتسم ولا بيكشر، هو على حسب الجسم بيتيبس خلال 24 ساعة، الجسم بيتخشب وبعدين يفك وبعدين يتخشب وكده، فـ على حسب أنت في أي مرحلة بتغسله وهو اتحط في التلاجة ولا لأ الكلام ده بيفرق".

أكد: "ممكن الميت مثلًا تبقى عضلاته مشدودة بس مش مبتسم ولا بيضحك.. أو عدى فترة معينة فـ الوش بدأ يزرق أو لونه يتغير، لكن مفيش ميت بيبتسم ولا بيعيط ولا نعش بيطير!!".