إبراهيم فايق: لا يوجد قدوة حقيقية بين البشر إلا النبي محمد
قال الإعلامي إبراهيم فايق إنه لا يحب أبدًا اتخاذ الناس لأحد الأشخاص قدوة، بل يجب أن يستفيدوا من تجربة النجاح أو الشهرة التي حققها شخص، لكن لا يصل الأمر أبدًا لاعتباره قدوة، مؤكدًا أن النبي صلى الله عليه وسلم هو فقط من يحتذى به كقدوة إنما باقي البشر خطائين.
أوضح "فايق" خلال بودكاست "فايق ورايق" على "اليوتيوب": "أنا مش بحب موضوع إن الناس تقولي أنت قدوة… متاخدنيش قدوة لأني بغلط وأنت هتشوفني بغلط، فترجع تقولي أنا كنت واخدك قدوة."
أكد "فايق": "لأ أنا مش قدوة.. عايز تاخد قدوة النبي صلى الله عليه وسلم.. كامل مكمل مفيش أعظم ولا أنقى من كده قدوة نقتدي بيها في حياتك. لكن أنا إنسان!".
وأضاف فايق أنه ليس من المنطقي أيضًا الحكم على تدين الأشخاص من ما يظهر عليهم، قائلًا: "العلاقة اللي ما بيني وبين ربنا هي علاقة ما بيني وبين ربنا، ما تفتشوش في قلوب الناس وتدوروا على نواياهم، حد عارف إنت بتعمل أيه بليل؟".
تابع: "في ناس بتقيم الليل بالكامل، وفي ناس يهيأ لك حاجة الصبح وهو بليل في معصية.. ما تخلي كل واحد في حاله، لا اللي ماشي صح ولا اللي ماشي غلط عارف الخاتمة بتاعته بتبقى عاملة إزاي، كله عند ربنا.. فكر في حالك."
