تعليق محمد حامد على هتاف الجماهير باسم زوجة زيزو
علق الناقد الرياضي محمد حامد على هتاف الجماهير باسم زوجة اللاعب أحمد سيد زيزو مؤكدًا على أن كل من يتحدث عن الأعراض والشرف فهو بلا شرف.
قال "حامد" خلال لقائه مع خالد الغندور في برنامج "ستاد المحور" المذاع عبر شاشة قناة المحور: "أنا بقول ده على مسؤوليتي، كل من يتحدث في اتجاه الأعراض والشرف هو بلا شرف، ده رأيي".
تابع: "متقوليش أهلاوي أو زملكاوي، لأن مفهوم كرة القدم والمجال كله ترفيهي، فأروح للمجال الترفيهي أغتال فيه قيم مجتمعي!".
أكمل: "يعني إيه أهتف بزوجة لاعب في المدرجات! احنا جايبين الأخلاق دي منين؟ الصورة الذهنية للمصري أخلاق وشهامة ورجولة وشرف، الناس بتيجي مصر عشان المصري مش الحاجات اللي موجودة في مصر".
أضاف: "لما أخسر صورتي الأخلاقية كمان فأنا مش باقيلي حاجة.. كل من يأتي على لسانه ذكر زوجة أو أم أو سيداتنا اللي فوق راسنا، فاحنا كده بنخسر كل شيء.. أرجوكم بلاش نروح للمنطقة دي.. شرف الرجل هو الكلمة".