عمرو أديب: أنا في حقل ألغام.. وتاريخي ورايا مش قدامي!
تحدث الإعلامي عمرو أديب عن صعوبة كونه إعلاميًا مصريًا سعوديًا، على حد وصفه، مشيرًا إلى أنها مسؤولية مزدوجة تجبره على أن يكون حريصًا في كل كلمة يتفوه بها، وفي كل عمل يقوم به.
قال "أديب" خلال استضافته في برنامج "قابل للجدل" المذاع عبر شاشة "العربية": "أنا الاتنين.. الإعلامي المصري السعودي، وليا الفخر أن جوه قلبي العلمين الآن، ودي مسئولية مزدوجة، لأن يجب أن تكون حريص على كل حاجة بتقولها".
نرشح لك: شاهد.. عمرو أديب يظهر في برنامجه بـ"الجلابية"
أضاف: "في ناس بتحسبك هنا وناس تانية بتحسبك هناك، ومحدش عنده القدرة يكون موضوعي.. مفيش مذيع عنده الجدلية دي.. الأمر ليس سهل، وأنا في حقل ألغام!".
أكد أنه يعتمد على عمق العلاقات المصرية السعودية، ومحبة الشعبين لبعضهما، مشيرًا إلى أنه فحور بحصوله على الجنسية السعودية ويرى أن شرف كبير تفضلت به السعودية عليه، لذا قررر عدم إخفاء الأمر وإعلانه للمشاهدين.
وعند سؤاله عن حقيقة اعتزاله العمل الإعلامي قريبًا، قال عمرو أديب: "نحن نعاني من الاجتزاء.. أنا بقول إن باقي ليّ بعض الوقت.. وأنا تاريخي ورايا مش قدامي، واللي جاي مش قد اللي راح.. وأنا أطول واحد طلع على الهواء في العالم العربي، ودي مش ميزة، ده قدري".
أضاف: "لو عايز تجيب موسوعة (غينيس) وتسألهم، أنا أطول واحد طلعت على الهواء، تحبني تكرهني كنت كويس أو لأ، هو ده اللي حصل.. واللي أنا عملته لن أستطيع تكراره، وده المعنى اللي كنت عايز أقوله".