شاهد.. عمرو أديب يظهر في برنامجه بـ"الجلابية"
ظهر الإعلامي عمرو أديب في برنامجه "بالجلباب"، مشيرًا إلى أن مصر لا يوجد في تاريخها مرحلة أو ملابس من الممكن أن يخجل منها شعبها.
قال "أديب" خلال تقديمه برنامج "الحكاية" عبر قناة "Mbc مصر": "والله أنا حاسس بسعادة وفخر غير طبيعي وبألاجة، وحاسس إني شيك جدًا".
أضاف: "حاسس أن السعادة والفخر اللي أنا فيه بكرة أجي لابس فنلة الزمالك بالليل بخطين حمر.. حاسس وشامم أن الجلابية دي بمشتملاتها بالأصالة بتاعتها بكرة تعمل ماتش كويس".
تابع "أديب": "أنزلوا بكرة بجلاليب يا جماعة، هاتوا جلاليبكم معاكم الجلابية البيضة أم خطين، هو ده الأصل في الموضوع".
أوضح :"وأنا قاعد بالشال بتاعي ده حسيت أن ده بكرة يعمل شيء مختلف ويجيب جونيين تلاتة، يخلي الجون بتاعنا يمسك الكورة ومفيش كور تعدي من بين رجليه، لأن الجلابية دي ميزتها أن مفيش كور تعدي من بين رجليك خالص".