تتر "ولد بنت شايب".. كلمات أغنية "يا ولا" لـ الحاجة نبيلة
قدمت الحاجة نبيلة تتر مسلسل "ولد بنت شايب" بطولة ليلى أحمد زاهر وأشرف عبد الباقي وعدد من الفنانين، بعنوان "يا ولا"، والتي نالت إعجاب الجمهور فور عرض أول حلقات المسلسل.
نرشح لك: شاهد.. كليب "الجميلة" لـ بيجاد أسامة من فيلم "هيبتا: المناظرة الأخيرة"
أغنية "يا ولا" غناء الحاجة نبيلة وكلمات منة عدلي القيعي وألحان محمد يحيى، وتوزيع: عيسى وأسود ونوڤو.
هات ايديك يا ولا وتعالى نجري
على فين معرفش أنا
اهو بس نجري
من الناس ومن الكلام
من روحنا والصدام
اهو نجري والسلام
وتعالى نجري
ناس بتخاف من الناس
لا يكونوا الناس مش أولى الناس
وتلاقي في ناس بتدوس على ناس
علشان خايفة خايفة تنداس
آه يا ولا.. آه يا ولا.. آه يا ولا
آه يا ولا.. آه يا ولا.. آه يا ولا
خد إيديا يا ولا وأنت ماشي
وأنا أكتر في الكلام وتقولي ماشي
أنا وأنت في الهوى
من فينا سوا
ونعلي المستوى
وأهو سوقنا ماشي
ناس بتخاف من الناس
لا يكونوا الناس مش أولى الناس
وتلاقي في ناس بتدوس على ناس
علشان خايفة خايفة تنداس
آه يا ولا.. آه يا ولا.. آه يا ولا
آه يا ولا.. آه يا ولا.. آه يا ولا
مسلسل "ولد بنت شايب" من بطولة أشرف عبد الباقي وإنتصار وليلى أحمد زاهر ونبيل عيسى ومروان المسلماني وعلاء عرفة وفادى السيد، ومن تأليف محمد بركات وأحمد فوزي صالح، وسيناريو وحوار السيد عبد النبي، ومن إخراج زينة عبد الباقى.