كلمات أغنية "من كان يا مكان" لـ تامر حسني
طرح الفنان تامر حسني فيديو كليب "من كان يا مكان"، الذي قدمه خلال حفل افتتاح مهرجان نقابة المهن التمثيلية، لتكريم رموز المسرح المصري، عبر قناته الرسمية على "يوتيوب".
الأغنية من كلمات طارق علي، ألحان كريم نيازي، توزيع مؤمن ياسر.
وجاءت كلمات الأغنية كالتالي:
من كان يا مكان مسرحنا زمان
صندوق مليان بكنوز ورموز وده مش تهويل
أسماء علامات صنعوا الحكايات
وسابولنا تاريخ بكى ضحك صريخ
كدة جيل وراء جيل
يعقوب صنوع والقباني
جورج فاتحلك باب يا ريحاني
كان كش كش بيه يرمي الايفيه
جمهوره يقوله ارميه تاني
يا عزيز ولا يوم من أيامك
يوسف بيه مسرحه قدامك
كانوا صالة ولوب يسمعوا مونولوج
يخرجوا حافظين كل كلامك
يا علي يا كسار في المداري
بثلاثة جنيه ماضي وشاري
يا بديع سلم على الأبياري
وارميلنا على سمعة سلامك
ويمر زمان يجي بعديه زمان
والمسرح يفضل بيت مليان دايما سكان
زكي يا طليمات عندنا نجمات
خفة إسعاد رقة شويكار طلة شريهان
يا فؤاد هات مدبولي وقوله عادل إمام الجيل كله
وسمير لو ميت ساعة لوحده عمر الناس منه ما هيملوا
اردش وكرم عاشوا معانا ومحمد صبحي دة جوانا
ونجم وراضي بقفشاتهم يا ست سميحة يا وحشانا
اه يا ست سميحة يا وحشانا
يا سهير نادي البت سكينة
يا بدير عبد العال أثر فينا
يا سعيد قول للست أمينة رزق المسرح ناس فكرانا
وهيفضل مسرحنا بخيره
دايما ليه دوره وتأثيره
ده المسرح زي الهواء والروح
عمرنا ما نعيش يوم من غيره