التفاصيل الكاملة لقرار غلق منزل عبد الحليم حافظ

كشف عبد الحليم الشناوي، حفيد علية شبانة، شقيقة الراحل عبد الحليم حافظ، عن سبب قرار الأسرة بإغلاق منزل العندليب وتوقف زيارات الجمهور، وفتحه في المناسبات وذكرى الراحل فقط.

قال "الشناوي" في مداخلة هاتفية مع برنامج "الستات" المذاع على شاشة النهار وتقدمه الإعلاميتين مفيدة شيحة وسهير جودة: "إحنا فاتحين البيت من 48 سنة بنستقبل كل الناس من جميع أنحاء العالم، البيت مفتوح مجانا عمرنا ما طلبنا من حد أي مقابل مادي عملا بوصية عبد الحليم".

أوضح أن وصية عبد الحليم هي أن يظل منزله مفتوحا لأسرته حتى يحافظ على الترابط الأسري وليس للجمهور.

استكمل: "أنا عملت صفحة على الفيس بوك علشان اتواصل مع الناس وأحافظ على فن عبد الحليم ونرتقي بالفن الموجود حاليا، بدأ يجيلي طلبات زيارة مهولة، كل يوم 600 رسالة".

أردف: "فتحت البيت علشان نعمل حجز مسبق ببلاش، وتم حجزه لحد 15 نوفمبر، بندخل 100 شخص كل يوم في بيت سكني إحنا عايشين فيه، الناس بدأت تقول طيب ما تعملوا موقع للحجز أو تاخدوا أي مبلغ رمز وتعينوا شركة هي اللي تدير الموضوع".

أشار إلى أنه أجرى استطلاعا للرأي حول المقترح، وسأل الجمهور "هل موافقين إن إحنا ناخد مبلغ رمزي مقابل الزيارة ونجيب شركة تدير الموضوع ومفيش أي دخل لينا إحنا كأسرة في مقابل نزود عدد الزوار؟".

ذكر أن الرد كان 85٪ وافقوا و15٪ قالوا لا، ولكن بدأ يكون هناك هجوما بطريقة سخيفة وسب للعائلة، مما دفعه لإغلاق الصفحة.

أكد أنه تم إغلاق البيت، موضحا: "الناس اللي حاجزة زيارة لحد 15 نوفمبر مجانا أنا ملتزم معاهم وهيدخلوا البيت، بعد كده مش هاخد أي حجوزات تانية نظرا للتجاوزات اللي تمت.. البيت مفتوح يوم ذكرى عبد الحليم مجانا للناس، لكن إن أنا ادخل الناس ليل نهار والناس كمان مبتقدرش وبتهاجمني علشان أنا حابب أعمل حاجة تريحهم، لا".