"متقارنوش نفسكم بالممثلين!".. رسالة هيدي كرم إلى ربات البيوت
وجهت الفنانة هيدي كرم رسالة ونصيحة إلى ربات البيوت، لتساعدهن على تقبل حياتهن، دون أن يقمن بمقارنة أنفسهن بالممثلات والمؤثرات على مواقع التواصل الاجتماعي.
نشرت "كرم" عبر حسابها الرسمي على موقع التواصل الاجتماعي وتبادل الصور والفيديوهات "إنستجرام"، مقطع فيديو قالت فيه: بصي يا ست البيت يا قمر، احنا مش حقييقيين، احنا ايديت وفوتوشوب، واللي مش كده هتبقى مركبة وصلات شعر أو ضوافر أو عاملة عملية تجميل أو نحت أو نفخ أو شفط أو شد".
تابعت: "اوعي تقارني نفسك بالست اللي أكل عيشها من ورا شكلها ولبسها، دول ناس زي الفل بس ده شغلهم، لكن أنتي دي مش حياتك، مش لازم تكوني ممصوصة زي العصاية عشان تبقي حلوة، ومش لازم تبقي كيرفي على الأستك والمسطرة".
نرشح لك: بين تكدس الفصول وبُعد المسافات.. تفاصيل أزمة التعليم التجريبي في كفر الزيات
أكملت: "لازم تكوني أحسن نسخة من نفسك، أجمل حاجة ممكن تكون عليها نفسك، عشان صحتك وراحتك النفسية وسعادتك وثقتك في نفسك. ست البيت اللي قاعدة بتربي العيال وبتنشأ مجتمع وجيل وبتعلم وبتفهم وبتنور وبتطبخ وبتراعي".
أضافت: "مش مطلوب منك يا حبيبتي أنك تبقي شبه الناس الي أكل عيشهم من ورا شكلهم، مطلوب منك تكوني سعيدة وراضية عن نفسك وواخدة بالك من صحتك ومن سلامك النفسي، مش مطلوب أبدًا تكوني شبه البلوجرز والممثلين اللي على السوشيال ميديا ما عدا من رحم ربي وأختي واحدة منهم. دي حياة ودي حياة، ويمكن اللي أنتي فيه أحلى كتير من اللي بتشوفيه".