في ذكرى رحيله.. كيف تحدث هشام سليم عن قسوة بناته معه؟

تحل اليوم ذكرى وفاة الفنان هشام سليم، الذي رحل عن عالمنا يوم 22 سبتمبر عام 2022، تاركًا خلفه إرثًا فنيًا كبيرًا.

وعلى الرغم من مشواره الفني الكبير وحب الجمهور له ولأعماله المميزة، إلا أنه عانى مع بناته بعد انفصاله عن والدتهما، وأشار في لقاء سابق له أنه أصبح مضطرًا على التعامل مع غيابهما.

قال "سليم" خلال لقاء سابق في برنامج "الـ 10 مساءً" مع الإعلامي الراحل وائل الإبراشي: "أنا للأسف معرفش بناتي كويس لأن مراتي حرمتني منهم من ساعة ما اتطلقنا والقانون ساعد في كده، مفيش راجل يشوف عياله 3 ساعات في الأسبوع!".

تابع: "حسب الرؤية لازم أروح وأمضي أني بشوف عيالي، فقولت أنا لا أسمح لنفسي أني أشوف عيالي وأمضي عليهم أني بشوفهم يعني، حسيتها مهينة لهم وليا، عملتها 3 4 مرات".

أضاف "لما بنتقابل بيقولوا تعبانين عندنا مذاكرة فمكنتش بقعد معاهم حتى الـ 3 ساعات، كنت بقعد ساعة ساعة ونص وأقولهم خلاص لو أنتوا مش مبسوطين روحوا.. هما مش عارفين هما قد إيه حبايبي، ومهما كانت الخلافات لازم الطرف التاني يقولهم روحوا شوفوا أبوكوا مهما كان وحش لأنه أبوكوا".

أكمل: "مش عارف أتكلم معاهم إيه لأني معرفهومش!.. الحرمان من البنات كان بيؤلمني جدًا لغاية ما رضيت بيه كأن البنات مبقوش موجودين للأسف".