سبب افتتاح رانيا يوسف لمدرسة رقص
كشفت الفنانة رانيا يوسف عن تفاصيل افتتاحها مدرسة لتعليم الرقص، مشيرة إلى أنها قررت ذلك، لأنها ترى أن الرقص يشبه الرياضة، كما أنه يساهم في التخلص من الطاقة السلبية.
قالت "يوسف" خلال لقائها مع "فوشيا"، إنها قررت افتتاح مدرسة الرقص في أبو ظبي، لأنها كانت ترى أن النساء هناك بحاجة إلى تقضية وقت فراغهن في ما يفيد، موضحة: "حسيت أنهم محتاجين حاجة تفرفشهم، والرقص زي الرياضة بالظبط، بيعلي الحرق ويغير المزاج ويطلع الطاقة السلبية، ودي حاجة مفيدة".
أضافت: "أنا مش مدربة رقص، ومش أنا اللي بدرب، وده مش هيعطلني عن التمثيل، أنا كل علاقتي إني شريكة في (الاستديو) ده بالفلوس، أنا بتدرب معاهم لما بروح أبص على المكان، ممكن أقعد أسبوع أتدرب، كأني رايحة الجيم".
أشارت إلى أن ابنتها ترغب في المشاركة في مدرسة الرقص، موضحة: "بنتي لسه بتدرس، وقالت لي: ممكن أجي أساعدك، لأنها بتحب الرقص جدًا".
في سياق آخر، قالت رانيا يوسف أنها لن تكرر تجربة الغناء مرة أخرى، مشيرة: "هي كانت تجربة ولعبة كده، عشان لو جالي عمل استعراضي أعرف أغني وخلاص.. وأنا لا حبيت نفسي فيها ولا كرهتها، مجرد إني جربت".