جيهان الشماشرجي: خطوة الإنجاب مرعبة بالنسبة لي!
تحدثت الفنانة جيهان الشماشرجي عن مخاوفها تجاه خطوة الإنجاب، موضحة رغبتها في تكوين بيت وأسرة، إلا إنها تخشاها بسبب العديد من التحديات التي ستواجهها.
قالت "الشماشرجي" خلال لقائها مع الفنانة إسعاد يونس في برنامج "صاحبة السعادة" المذاع عبر شاشة قناة "dmc": "عايزة أعمل بيت وأسرة وأخلف، طبعًا خطوة الخلفة مرعبة بالنسبة لي بس مش معنى كده أني مش عيزاها".
تابعت: "خايفة مبقاش كويسة كأم، أني مبقاش قد المسؤولية دي وأبقى مقصرة في حاجة أو أقول كلمة تجرح الطفل ده فيطلع عنده عقدة ما مني، أنا عارفة أن الحاجات دي مفيش مفر منها، كلنا بني آدمين وكلنا بنغلط، بس أخاف يتعرضوا للأذية في الحياة عمومًا".
أضافت أنها تمتلك العديد من التساؤلات التي تجعلها تخاف من هذه الخطوة، موضحة: "هل هبقى أم صالحة، هل عندي الصبر الكافي أني أتحمل وأتعلم عشان أبقى جاهزة وبحمد ربنا على النعمة اللي أدهالي؟ فلازم أكون إنسانة كويسة وأستحق النعمة دي".
أكملت: "أكتر حاجة بتخوفني هي العالم الخارجي، هيحصل إيه في المدرسة والشارع، ده رعب بجد.. وأنا صغيرة مكنش فيه العنف الموجود دلوقتي في الشارع، عنف بجميع أشكاله، حتى عنف نفسي، كنت حاسة الدنيا أطيب، أو جايز كان في ده بس إحنا مكناش شايفينه عشان مكنش في سوشيال ميديا".