"تفاهة وهيافة".. إلهام شاهين ترد على شائعة تدريس مسيرتها الفنية في المناهج الدراسية
نفت الفنانة إلهام شاهين صحة ما تردد مؤخرًا حول مطالبتها بتدريس مشوارها الفني ضمن المناهج الدراسية، مؤكدة أن ما نُشر مجرد شائعات لا أساس لها من الصحة.
قالت "شاهين"، خلال مداخلة مع برنامج "تفاصيل"، مساء اليوم مع نهال طايل، المذاع عبر شاشة "صدى البلد 2": "تفاهة وهيافة من الناس اللي بتكتب واللي بتصدق، اللي عنده مصداقية ينزل الفيديو، لأن لو قولته هيكون مسجل في جهة ما".
نرشح لك: إلهام شاهين عن خلافها مع منة عرفة: "بنت صغيرة غلطت واعتذرت"
أضافت: "أنا بستغرب من اللي بيصدقوا، هل شوفتوني أو سمعتوني بقول الكلام ده؟! الحقيقة كلام تافه، إزاي أطالب إن مسيرتي تُدرّس في كتاب مدارس؟ ده كلام ميطلعش غير من حد مجنون، وأنا عندي من الذكاء والعقل إني مقولش حاجة عبيطة زي كده".
اعتبرت "شاهين" أن هذه الشائعات محاولة لاستفزاز الناس وخلق مادة للهجوم عليها، قائلة: "مش لاقيين حاجة حقيقية يهاجموني بيها فبيخترعوا".